​ការកសាង​សហរដ្ឋ​អាមេរិក​ឡើង​វិញ​និង​ការ​គំរាម​កំហែង​ពី​បរទេស​ គឺជា​ចំណុច​សំខាន់ៗ​នៅ​ក្នុង​សុន្ទរកថា​អំពី​ស្ថានភាព​សហព័ន្ធ​របស់​លោក ត្រាំ

យោង​តាម​មន្ត្រី​ជាន់​ខ្ពស់​របស់​រដ្ឋបាល​លោក ត្រាំ បាន​ឲ្យ​ដឹង​ថា​ សុន្ទរថា​ស្តីពី​ស្ថានភាព​សហព័ន្ធ​ ដែល​នឹង​ធ្វើ​ឡើង​នៅ​យប់​ថ្ងៃ​អង្គារ​ខាង​មុខ​នេះ​ លោក ត្រាំ​ នឹង​ពិភាក្សា ​«អំពី​មិត្តភាព​ និង​សត្រូវ​ និង​កិច្ច​ខំប្រឹង​ប្រែង​របស់​លោក​ក្នុង​ការ​បង្រ្កាប​ក្រុម​ភេរវកម្ម​នៅ​ជុំវិញ​ពិភពលោក»។

សេតវិមាន​រក្សា​ភាព​ស្ងាត់​ស្ងៀម​អំពី​ចំណុច​សំខាន់ៗ​នៃ​ការ​ពិភាក្សា​នេះ​ ប៉ុន្តែ​ក្រុម​មន្ត្រី​អះអាង​ថា​ បញ្ហា​កម្មវិធី​កាំជ្រួញ​ម៉ីស៊ីល​ផ្លោង​ឆ្លង​ទ្វីប​របស់​កូរ៉េ​ខាងជើង​ត្រូវ​បាន​គេ​រំពឹង​ថា​នឹង​លើក​យក​ថ្លែង​ផង​ដែរ។

សុន្ទរកថា​ប្រចាំ​ឆ្នាំ​របស់​ប្រធានាធិបតី​សហរដ្ឋ​អាមេរិក​ទៅ​កាន់​សម័យ​ប្រជុំ​សភារួម​ ជា​ទូទៅ​ផ្តោត​ទៅ​លើ​បញ្ហា​ក្នុង​ប្រទេស។ សុន្ទរកថា​របស់​លោក ត្រាំ​ នឹង​ថ្លែង​ពី​បញ្ហា​អន្តរជាតិ​ដែរ។ សុន្ទរកថា​នេះ​នឹង​ជាទី​ចាប់​អារម្មណ៍រ​បស់អន្តរជាតិ​ផង​ដែរ។ ទោះ​ជា​យ៉ាង​ណា​លោក ត្រាំ​ នឹង​ពិភាក្សា​លើ​បញ្ហា​សន្តិសុខជាតិ​ ពាណិជ្ជកម្ម​ និង​បញ្ហា​អន្តោប្រវេសន៍​ជា​ដើម។

លោក ត្រាំ​ នឹង​បញ្ជាក់​ពី​ការ​ធ្វើ​ពាណិជ្ជកម្ម​ទៅ​វិញ​ទៅ​មក​ដោយយុត្តិធម៌» ​នេះ​បើ​យោង​តាម​មន្រ្តី​ដែល​បាន​ប្រាប់​ទៅ​ក្រុមអ្នកសារត័ព៌មាន​ ប៉ុន្តែ​មិន​បាន​បញ្ជាក់​ពី​អ្វី​ឲ្យ​បាន​ល្អិត​ល្អន់​នោះ​ទេ។ ចំណាត់​ការ​របស់​រដ្ឋបាល​នា​ពេល​ថ្មីៗ​នេះ​ប្រឆាំង​នឹង​ការ​ធ្វើ​ជំនួញ​របស់​ចិន​ ប្រហែល​ជា​នឹង​ត្រូវ​ថ្លែង​ក្នុងសុន្ទរក​ថា​នេះ​ដែរ។

គេ​រំពឹង​ថា​នៅ​មួយ​ម៉ោង​មុន​នៃ​ការ​ថ្លែង​សុន្ទរកថា​នេះ​ សេតវិមាន​នឹង​សង្កត់​ពី​សំណើ​ដ៏​ចម្រូង​ចម្រាស​របស់​លោក ត្រាំ​ អំពី​កំណែ​ទម្រង់​ច្បាប់​អន្តោប្រវេសន៍​ ហើយ​ក្រុម​មន្រ្តី​និយាយថា​ នៅ​ក្នុង​សុន្ទរកថា​អំពី​ស្ថានភាព​សហព័ន្ធ​នេះ​ លោក​ប្រធានាធិបតី​នឹង​ស្នើ​ទៅ​សភា​ឲ្យ​អនុម័ត​លើ​សំណើ​ទាំង​នេះ​ ទោះ​ណា​ជា​សមាជិកសភា​ភាគ​ច្រើន​មិន​ពេញ​ចិត្ត​ក៏​ដោយ។

សុន្ទរកថា​នេះ​ត្រូវ​គេ​រំពឹង​ថា​ជា​សុន្ទរកថា​ដ៏​សំខាន់​ប្រចាំ​ឆ្នាំមួយ​របស់​លោក ត្រាំ​ និង​ជា​សុន្ទរកថា​មួយ​ដែល​មាន​អ្នកស្តាប់​ច្រើន​ជាង​បង្អស់​ ដែល​នឹង​ផ្តោត​សំខាន់​ទៅលើ​ បញ្ហា​ការងារ​ សេដ្ឋកិច្ច​ កំណែទម្រង់​ពន្ធ​ ការ​លុប​ចោល​ច្បាប់​ និងហេដ្ឋរចនា​សម័្ពន្ធ៕

អានបន្ត៖

​អ្នកការទូត​ជាន់​ខ្ពស់​អាមេរិក​ចោទ​រុស្ស៊ី​ថា​យក​វិស័យ​ថាមពល​ធ្វើ​ជា​ឧបករណ៍​នយោបាយ​នៅ​​អឺរ៉ុប

លោក​រដ្ឋ​មន្រ្តី​ការបរទេស​សហរដ្ឋអាមេរិក ​Rex Tillerson ​បាន​ចោទ​ប្រកាន់​រុស្ស៊ី​ពី​ការប្រើ​ប្រាស់​វិស័យ​ថាមពល​មក​ធ្វើ​ជា​«ឧបករណ៍​នយោបាយ»​ នៅ​ក្នុង​ទ្វីប​អឺរ៉ុប ​ខណៈ​ដែល​លោក​ជួបប្រជុំ​ជាមួយ​សមភាគី​របស់​លោក​ កាល​ពី​ថ្ងៃសៅរ៍​នៅ​ក្នុង​ទីក្រុង​វ៉ាសូវី​ ប្រទេស​ប៉ូឡូញ។

នៅ​ក្នុង​សន្និសីទ​កាសែត​បន្ទាប់​ពី​កិច្ច​ពិភាក្សា​រួចមក​ លោក ​Tillerson ​ថ្លែង​ថា​សហរដ្ឋ​អាមេរិក​ប្រឆាំង​នឹង​ការសាង​សង់​បំពង់​បង្ហូរ​ឧស្ម័នNord Stream 2 ​ដែល​ជា​គម្រោង ស្នើ​ឡើង​ដើម្បី​ភ្ជាប់​ពី​ប្រទេស​រុស្ស៊ី​ ទៅ​ប្រទេស​អាល្លឺម៉ង់។ ប្រទេស​នៅ​ក្នុង​តំបន់​អឺរ៉ុប​ខាង​កើត​មួយ​ចំនួន​ក៏​ប្រឆាំង​នឹង​ការសាង​សង់​បំពង់​បង្ហូរ​ឧស្ម័ន​នេះ​ដែរ​ ដែល​នឹង​ធ្វើ​ឲ្យ​ប្រទេស​រុស្ស៊ី​ក្លាយ​ជា​ប្រទេស​ផ្គត់​ផ្គង់​ឧស័្មន​ធម្មជាតិ​ធំជាង​គេ​នៅក្នុង​ទីផ្សារ។

លោក ​Tillerson​ ថ្លែង​ថា៖ «ដូច​នឹង​ប្រទេស​ប៉ូឡូញ​ដែរ​ សហរដ្ឋ​អាមេរិក​ប្រឆាំង​នឹង​ការ​សាង​សង់​បំពង់​បង្ហូរឧស្ម័ន ​Nord Stream 2នេះ។ យើង​ធ្វើ​ដូច្នេះ​ដើម្បី​គិត​គូរ​ដល់​ស្ថិរភាព​ និង​សន្តិសុខ​នៃ​ការ​ប្រើ​ប្រាស់​ថាមពល​ជាទូទៅ​នៅ​ក្នុង​ទ្វីប​អឺរ៉ុប។ ហើយ​ការណ៍​នេះ​នឹង​អាច​ធ្វើឲ្យ​ប្រទេស​រុស្ស៊ី​យក​វិស័យ​ថាពល​នេះ​ទៅ​ធ្វើ​ជា​ឧបករណ៍​នយោបាយ​របស់​ខ្លួន»។

ទស្សនកិច្ច​របស់​លោក​ Tillerson ​ទៅ​ប្រទេស​ប៉ូឡូញ​ធ្វើ​ឡើង​នៅ​ខណៈ​ដែល​សហរដ្ឋ​អាមេរិក​កំពុង​ជំរុញ​ការ​នាំ​ចេញ​ឧស្ម័ន​ធម្មជាតិ​រ៉ាវ​របស់​អាមេរិក​ ហៅ​កាត់​ថា LNG ទៅ​កាន់​អឺរ៉ុប​កណ្តាល ​និង​កំពុង​ប្រកួត​ប្រជែង​ជាមួយ​រុស្ស៊ី​ក្នុង​ទីផ្សារ​ថាមពល​នោះ។
ក្រុម​មន្រ្តី​ជាន់​ខ្ពស់​សហរដ្ឋអាមេរិក​បាន​ថ្លែង​ថា​ រដ្ឋាភិបាល​ក្រុងវ៉ាស៊ីនតោន​ នឹង​ជួយ​ឲ្យ​ប្រទេស​ក្នុងទ្វីប​អឺរ៉ុប​មាន​ជម្រើស​ក្នុង​ការ​ប្រើ​ប្រាស់​ថាមពល​ ដោយ​មិនចាំ​បាច់​ពឹង​ផ្អែក​ទាំង​ស្រុង​ទៅ​លើ​ការ​ផ្គត់​ផ្គង់​ពី​ប្រទេស​រុស្ស៊ី៕  ប្រភព៖ VOA

Leave a Reply

Your email address will not be published. Required fields are marked *